Mam ô ne yé’é

Va’a ngule ya ba’ale “bia ya nsisime” nlô

Lorraine ya États-Unis a jô na: “Éyoñe ma wô’ô mamien éngôngol, Yéhôva a ve ma ngule nyul a zene ya bia bi ne Télé Bengaa be Yéhôva^®.”

“Bia ya nsisime” bi ne ngabe jia ya ékaña’a bia ve Yéhôva. (Col. 3:16) Nge wo ve ngule ya ba’ale bie nlô, bi ne wo volô to’o ô nji bi kalate bia nge téléfône nge ki tablette. Melebe ma me ne volô wo na ô ba’ale bia bite nlô.

• Kôme’e nyoñ éyoñe ya lañe bifia asu na ô kôme wôk atinane ya été. Ô ne simesane jia éziñe tyi’ibi éyoñe wo ke kôme wô’ô bifia ya jia éte. Ô ne yene bifia ya bia biangane bise, to’o bifia ya abeñe bia, a bia asu bongô e jw.org. Kele’e vôm a ne na Library, fiti’i vôm a ne ntilane na Mezik.

• Tili’i bifia ya bia bite afep. Nalé a ye volô na bifia ya bia bite bi tu’a wo tabe nlô.—Deut. 17:18.

• Yia bia bite yôp été. Lañe’e nge ki yia jia éziñ abui biyoñ.

• Jene’e na ô yeme nge wo te ba’ale jia éziñ. Va’a ngule ya simesane bifia ya jia wo yia ô teke fombô afep, mvuse ya valé fombô’ô afebe dôé asu na ô yeme nge wo te yia jia éte avale da yian.