Nkañete

Ko bôte bese éngôngol

Môs éziñ, sita ya Nouvelle-Zélande a nga yene vidéo a ne nlô ajô na, “Soucions nous . . . les uns des autres.” Vidéo ate a mbe a liti’i na, Yéhôva a nji su’u fo’o ve na a ko bôt éngôngol, ve a liti fe de a mimboon. (Ésa. 63:7-9) Mvuse ya valé, sita ate a nga tyi’i na a zu jeñe fane ya volô bôte bevok ane Yéhôva. Mame ngô’é, éyoñe sita ate a nga so makit, a nga tôbane minga éziñ a mbe teke ngume vôme ya tabe, ane a nga bañete nye na a ke di nda jé. Minga ve kañese mbañete wé. Éyoñe sita a nga zu ve minga ate bidi, a nga kañete nye a zene ya nsoé kalate ô ne nlô ajô na Ye minjuk mia ye fo’o man?

Minga ate a nga taté na a yôn. A kate sita na bebiaé bé be nga ye’ele nye benya mejôô, ve den a nga ke abui mimbu ane a nga lume benya mejôô mvus. A nga kate fe nye na a mbe a ndôme ye’elane Yéhôva na a volô nye na a beta bulane benya mejôô. Sita a nga ve minga ate Kalate Zambe a taté na a yé’é a nye.a

Aval ane Yéhôva, bi ne ko bôte bevok éngôngol, to’o bibu’a ya menda me bôte mangan a bobejañ a besita ya ékôane bekristene jangan. Bi ne fe liti na bia ko bôte bevok éngôngol éyoñe bia kañete be mbamba foé.