Bôte ba wulu ba’aba’a a Yéhôva ba tôé bengaka’a ba bo nye

Lañe’e Betyi’i mejô 11:​30-40 asu na ô yeme jame nkañete Jephthé ba ngo jé wo ye’ele wo a lat a ntôéane bengaka’a.

Fase’e mame ma bômane nlañ ôte. Aval avé bone be Israël be mbe mewô’ô be mbe be yene’e bengaka’a ba bo Yéhôva? (Nlañan. 30:2) Aval avé Jephthé ba ngo jé be nga liti na be bili mbunane be Yéhôva?—Betyi’i me. 11:​9-11, 19-24, 36.

Tuka’a fak. Jé Jephthé a mbe a yiane simesan éyoñ a nga bo ngaka’a jé? (w16.04 af. 7 ab. 12) Mame mevé Jephthé ba ngo jé be nga nyume bebien asu na Jephthé a tôé ngaka’a jé? (w16.04 af. 7-8 ab. 14-16) Avale bengaka’a avé bekristene be ne bo melu ma?—w17.04 af. 5-8 ab. 10-19.

Miñye’elan ô ne nyoñ. Sili’i womiene na:

• ‘Jé é ne volô ma na me tôé ngaka’a me nga bo Yéhôva, na ma ye kañe nye ényiñe jam ése?’ (w20.03 af. 13 ab. 20)

• ‘Mame mevé me ne nyume mamien asu na me tu’a bo Yéhôva ésaé?’

• ‘Jé me ne bo asu na me tôé ngaka’a me nga bo môte bia nye bi ne nlu’an?’ (Matt. 19:​5, 6; Éphé. 5:​28-33)