Aton

c ASU NA BI TU’A WÔK: “Paradis ya nsisim” a ne mbamba vôme bia kañe Yéhôva nleme wua. Vôm ate bi bili abui bidi ya nsisim, a bi kôlôya éto belo ya minsos ya évuse ñyebe. Bia bu’ubane fe ésaé ya kañete bôte mbamba foé ya Éjôé Zambe. Bi bili mbamba élat a Yéhôva, a bia nyiñe fe mvo’é été a bobejañ a besita bangan ba nye’e bia a ba volô bia na bi jibi minjuk a meva’a mese. Bia nyiine paradis ya nsisim ate éyoñe bia taté na bia kañe Yéhôva aval a nye’e, a éyoñe bia ve ngule jangan ése na bi vu nye.