5. Ye minju’u mia ye mane môs éziñ?
Amu jé nsili ôte ô ne mfi?
Nge bi bili ndi nleme na minju’u mia ye man môs éziñ, ndi nlem ete e ne volô bia na bi bo te dañe tyelé minlem yôp amu ényiñ é ne abé, a na bi tu’a yemete mbunane wongane na Zambe a ne.
Tame fas
Abui bôt da kômbô mane abui minju’u bia tôbane de, ve teke ngule ya bo de. Éve’an é ne na:
Akusa bo beta ésaé beyeme mam be boya mfa’a ya nsaéan akon . .
Akone da nambe nlem é ngenan é wôé abui bôte den.
Cancer a wôé bemillion be bôt mbu ôse.
Avale Dr. David Bloom a nga tili Kalate mefoé Frontiers in Immunology, “émo ja ke ôsu a juan a akone da kate saéban a mimfefé mi akon; nde fe akon éziñe be mbe be buni’i na é maneya é beteya so so.”
Akusa bo mesi méziñe me bili abui akum . .
Mbu ôse, bemillion be bongô ba wu. Nju’u ôte wo dañe kui vôme bôt be ne azoé.
Bemilliard be bôt ba nyiñe teke benya bidu’u.
Bemillion be bôt be nji nyu mbamba mendim.
Akusa bo bijôé bi teléya metiñe ma kamane bôt . . .
ONU a jô na, fulu ya kuane bôte ja ke ôsu abui mesi. Mbia mboan ate a ke ôsu amu bijôé bi nji yeme na avale mam ete e ngenan e boba’an, nge ke amu be nji bo ngule ya bi bôte ba bo jam ete.
YEME’E ABUI MAM AFE
Yene’e vidéo a ne nlô ajô na Éjôé Zambe é ne jé? e jw.org.
Jé Bible a ye’ele?
Zambe a nyoñe ngap a bia.
A nji bo abes, éyoñe bi bili njuk a tebe été jangan.
“[Zambe] a nga bo te biasé nge vini ékpwe’ele ya môt a wu ékpwe’ele; Nalé fe a nga bo te solé nye asu dé. Ve éyoñ a nga yôn a loene nye, a nga wôk.”—BESAM 22:24.
“Mi va’ane nye mam mese me atyelé mia minleme yôp, amu nnye a ba’ale mia.”—1 PIERRE 5:7.
Minju’u mia ye ke tabe nnôm éto.
Kalate Zambe a ka’a bia na nsôñane Zambe wo ye tôéban.
“Zambe . . . a ye fimi mili’i mese mise map; a awu de aye fe bo; nalé fe ôlun vi aye fe bo, nge ñyôn, nge mintaé.”—NLITAN 21:3, 4.
Zambe a ye vaa mam mese ma bo na bi tôbane minjuk.
A ye tôé nsôñan ôte a zene ya Éjôé jé.
“Zambe ya yôp a ye telé [éjôé] j’aye bo te jañ nnôm éto, nalé fe njôane ya été w’aye bo te li’i mo me ayoñe bôt afe. . . . J’aye tebe nnôm éto.”—DANIEL 2:44.