Binga ya mbunan, besista bangan

1. Sara, Esther, Marie, Ruth, Abigaël . . .

Bese be nga be biwôlô bi binga.

Be nga kôme kabetane Yéhôva.

Be mbe zôsôô, bia yem biyôlé biaba.

Ve binga befe be nga kañe Yah;

Ja’a bi nji yeme be, Zambe a nyane be.

2. Binga ba be nga bili mefulu ma:

Mvam, ôsesa, anyep a nye’an ô ne mban;

Mefulu bia yene mvaé émo minlañ.

Be ne mbamba bive’ela asu dangan.

Dene fe, bi lôô bekale bangan

Be telé’é Zamb’ ôsu, bia yiane fe be vu.

3. A mia benyia, bengon, beyal a minkus,

Bia se’e mia amu ésaé jenan ése.

Mi n’éjijin, mia semene fe Tate.

Zambe a nye’e mia, mi nji yiane mate.

Ma’ane menan, Yah a mbeme mia ve;

A bidiñ besista, Zamb’ a bota’ane mia!