Te bili melame ya beréseaux sociaux!

AMU JÉ NALÉ A NE MFI: Bikpwelé bia belane bie bi ne bo mvo’é nge abé, nalé fe beréseaux sociaux be ne bo mvo’é nge abé. Bekristene béziñ be wô’ô tyi’i na, ba belane ki beréseaux sociaux. Bevo’o ki ba belane be asu na be laan a bivuvumane biap, nge ke bemvôé bap. Ve Satan a nji yi na, bi belane beréseaux sociaux aval da yian, amu a kômbô ve éyôlé jangane mvit, a ndamane amvôé dangan a Yéhôva. Ve bi ne vu Yésus, a belane miñye’elane ya Kalate Zambe asu ya na, bi bo te ku ôlam ôte.​—Lc 4:4, 8, 12.

MELAME YA SA’ALE:

• E belane bemédia sociaux a lôte nné. Nge bia lôt abui mewolo beréseaux a bemédia sociaux, be ne di bia abui éyoñ, teke fe éyoñ asu miñyiane miangane ya nsisim

  Miñye’elane ya Kalate Zambe: Beép 5:15, 16; Beph 1:10

• E yene mvite mam internet. Nge wo nye’e ô yene befôtô ba liti mame bisôk, ô ne su’ulane bili ôlame ya yene befam a binga minsoé, a bo ôlo ya mame mete. E lañe mintilane b’apostat ja’a internet, a ne wôé mbunane wôé

  Miñye’elane ya Kalate Zambe: Mt 5:28; Beph 4:8

• E tili mam nge lôm befôtô be nji yian. Amu nlem ô ne medu’an, môt éziñ a ne bo ôjeja’a ya futi befôtô a minkobô mi nji yian e beréseaux sociaux. Ve bia yiane ba’ale na, aval mimboan ete e ne wo’o môt ôsone nyul, nge ke te’e mbunane wé

  Miñye’elane ya Kalate Zambe: Bero 14:13; Beép 4:29

YENE’E VIDÉO A NE NLÔ AJÔ NA, TABE’E NTYEL A BERÉSEAUX SOCIAUX, MVUSE YA VALÉ FASE’ JÉ Ô NE BO NA Ô SA’ALE AVALE BITÉ DI: