Enjeñané na bi bo atyeñ ésaé nkañete: Bi yeme belane JW.ORG

AMU JÉ NALÉ A NE MFI? Bekalate bese bia ye’ele be bôt ba lôme be jw.org. Nde fe ôlo ô ne mewôk a fek ô nga kuli kate njoman a tract Nne bi ne jeñe biyalane ya beta minsili y’ényiñe vé? asu ya na, be volô bôte na be ke anjeñe mefoé dangan. Ô ne ve môte kalate wua ya Bekalate bia ye’ele be bôt a zene ya jw.org. Ô ne lôme nye nye a zene ya e-mail, nge ke na ô ne lôme nye zen a nyoñ asu na a limiti nye nko. Nalé a ne dañe bo mfi éyoñe wo kañete môt a kobô nkobô ôfe. Nde fe bôte be ne sili wo nsili Bekalate bia ye’ele be bôt be nji yalan. Nge bia yeme belane anjeñe mefoé dangan, bi ne bo ésaé nkañete jangan nya mboane.

AVALE BI NE BO:

• 

  Bela’ane nlô ajô ô ne na “MIÑYE’ELANE MIA SO KALATE ZAMBE”: Bi tame jô na wo kañete mbiaé éziñ a kômbô yem avale a ne yale bone bé avale da yian. Kele’ anjeñe mefoé dangan, jeñe’e MIÑYE’ELANE MIA SO KALATE ZAMBE > ALUK A NDA BÔT.

• Bela’ane nlô ajô ô ne na “BEKALATE”: Ng’a bo ke na, ô ne mongô sikôlô, wo kômbô ve mongô sikôlô mbok nsoé kalate Biyalane ya minsili 10 bisoé bia sili bebien. Kele’ anjeñe mefoé dangan, jeñe’e BEKALATE > BEKALATE & MINSOÉ MI KALATE.

• Bela’ane nlô ajô ô ne na “BI NE BEZA?”: Nge ô ne nda bisaé jôé, wo kômbô timine môte mia nye mia saé amu jé wo buni jame si jame ka. Kele’ anjeñe mefoé dangan, jeñe’e BI NE BEZA? > MINSILI BÔTE BA DAÑE SILI.

YENE’E VIDÉO AVAL Ô NE YEME BELANE JW.ORG, MVUSE YA VALÉ, TILI’I VÔME WO YIANE KE ANJEÑE MEFOÉ DANGAN ASU YA NA Ô YALANE:

• môt a buni na Zambe a nji bo

• môt a ndôme tôban ébubua

• monjañ nge ke sita a tyiya ésaé nkañete

• nge môt wo ke bo njoman a sili wo vôme ékôane jangan ja nyoñe moné ja belane nye

• môt a so si fe, ve a kômbô yem aval a ne bo asu na a tabe bisulan éyoñ a ye bulane si jé