“Bi ne te tek”

4:16-18

Tame fase jame di: Menda me bôte mebaé ma nyiñe ntu nda, nda é ntoo nnôm. Nda bôte jia é ne éyôé, minleme mi tyele bôte ya été yôp. Ve jame ya kam e ne na, nda bôte fok é ne mevak été. Jé ja bo nalé? Be mbeme kôlô valé a ke nyiñe mfefé nda.

Akusa bo “bitétéa [bise] bia tat éyoñe ji, a wô’ô mintaé aval ane nkô’ôlane mie,” bebo bisaé be Zambe be bili ndi nleme ja su’u be. (Bero 8:22) Bia yeme na minju’u bia tôbane mie den, to’o mi mia ndeñele bia den mimbu mewôm, mi ne ‘éveves a asu étun éyoñ’ éyoñe bia ve’e mie a bibotane bise bia ye bu’ubane bie nnôm éto mfefé émo. E beme mise mangan mbamba be mam bia ye bi Éjôé Zambe si aye volô bia na bi ba’ale ava’a dangan, a bo teke bili atek.