Yeme’e tyendé tyiñe nkobô

Minkana 8:4, 7

ÔBALEBAS: Asu na bôte ba vô’ôlô wo be wô’ô ne sañesañ, a na miñye’elane mi nambe be, bete’e tyiñe yôp abime da yian, kôme’e tyiñe nkobô, yeme’e fe vôé a tyiñe nkobô jôé.

AVAL Ô NE BO JAM ETE:

• Biyoñe biziñ, bete’e tyiñe yôp, biyoñe biziñ sili’i je si. Bete’e tyiñe yôp asu na ô ngôné miñye’elan mi ne mfi, a asu na bôt be bi nkômbane ya vô’ôlô wo. Bo’o fe nalé éyoñe wo lañe bifuse bia kate ntyi’ane mejô. Asu na ô liti bôte ba vô’ôlô na, môt a kobô éyoñe ji a koo woñ, nge ke na nlem ô tyele nye yôp, sili’i tyiñe nkobô si, ô ne fe bo de na ô kômesane be na be vô’ôlô mfefé jam.

• Yeme’e vôé a tyiñe nkobô jôé. Nge nkobô wôé wo kañese de, bete’e tyiñe yôp éyoñe wo kômbô kobô a ayôñ ése, nge ke éyoñ wo kate bôt abim a nté jôm éziñ é né. Sili’i tyiñe si éyoñe wo kômbô liti na môt a wô’ô mintaé nlem, nge ke na nlem ô tyele nye yôp.

• Biyoñe biziñ, kobô’ô avôl, biyoñe biziñ ki kobô’ô ôte’etek. Kobô’ô avôl éyoñe wo kañete mbamba nlañ éziñ. Ve éyoñe wo kate bôt jam é ne nya mfii, kobô’ô ôte’etek.