NLÔ AJÔ 17

Yésus a mbe avale môt avé?

Nyô a ne ntilan

Éyoñe bia yeme mame Yésus a nga jô a bo éyoñ a mbe si va, nalé a bo na bi yeme mefulu mé, a fe na bi subu ba Ésaa wé bebé. Mefulu mevé Yésus a nga dañe liti? A aval avé bi ne vu nye?

1. Mimfa’a mivé Yésus a nga vu Ésaa wé?

Nté Yésus a mbe a Ésaa wé yôp, a nga jeñe na a vu mefulu Mé. A nga bo de bemilliard mimbu. Nalé a nga bo na Yésus a fas, a wô’ôtan, a na a bo mam ane Ésaa wé. (Lañe’e Jean 5:19.) Yésus a nga kôme tune mefulu m’Ésaa wé, jôme te nje a nga jô môs éziñ na: “Môt a nga yene ma a yeneya fe Tate.” (Jean 14:9) Nge ô kôme yem avale môte Yésus a mbe, wé tu’a fe yeme Yéhôva. Éve’an é ne na, éyoñ bia fombô avale Yésus a mbe a nyoñe’e bôt, nalé a liti bia abim avé Yéhôva a nye’e bia.

2. Aval avé Yésus a nga liti na a nye’e Yéhôva?

Yésus a nga jô na: “Amu ajô dina na, bôte ya si nyô ba ye yeme na ma nye’e Tate, ane Tate a nga tiñeti ma, aval ete ma bo.” (Jean 14:31) Éyoñ a mbe si va, Yésus a nga liti na a nye’e Ésaa wé abui amu a nga bo nye mewôk, to’o éyoñ nalé a nji be tyi’ibi. Yésus a mbe fe a nye’e a kobô’ô bôt ajô Ésaa wé, a volô be na be bo bemvôé Bé.—Jean 14:23.

3. Aval avé Yésus a nga liti na a nye’e bôt?

Bible a jô na Yésus a nga “[dañe] yene bone be bôt mvaé.” (Minkana 8:31) Jam ete e nga yené éyoñ a mbe a va’a bôte ngule nyul, a volô bôte mevale mese. Mesimba a nga bo me nji be me liti’i ve ngule jé, me mbe fe me liti’ abim avé a mbe a wô’ô bôt mintaé. (Marc 1:40-42) A mbe mbamba nlem, teke bo ôbangam. Mejô mé me nga volô bezôsôô be bôt minlem a ve be ndi nlem. Mbôle Yésus a mbe a nye’e bone be bôt abui, a nga jibi mintaé a kañese wu asu dap. Ve a mbe a dañe nye’e ba bese be mbe be tôñe’e miñye’elane mié.—Lañe’e Jean 15:13, 14.

TUKA’A FAK

Tuka’a yé’é mefulu me Yésus, a yen aval avé wo fe ô ne liti bôte nye’an a fulu anyep.

4. Yésus a nye’e Ésaa wé

Éve’ela Yésus ja ye’ele bia aval avé bi ne liti Zambe na bia nye’e nye. Lañe’e Luc 6:12, mvuse ya valé, yala’ane nsili ô ne si le. Bo’o fe avale da a Jean 15:10; 17:26.

Aval ane Yésus, aval avé wo fe ô ne liti na wo nye’e Yéhôva?

Yésus a ye’elan. — Yésus a mbe a nye’e Ésaa wé, a mbe fe a ye’ela’ane nye éyoñ ése

5. Yésus a nyoñe ngab a bôt ba yi mvolan

Yésus a nga telé miñyiane mi bôte bevo’ ôsu adañ émié. To’o éyoñ a mbe a wô’ô nyule nte’an, a mbe a nyoñe’e éyoñe ya volô bôt. Lañe’e Marc 6:30-44, mvuse ya valé, yala’ane minsili mi:

Mam mevé Yésus a nga bo mfa’a ya liti na a nyoñe ngab a bôt?—Fombô’ô éfus 31, 34, 41, a 42.
Amu jé Yésus a nga volô bôte bete?—Fombô’ô éfus 34.
Mbôle Yésus a nga tune mefulu me Yéhôva, jé jame Yésus a nga bo da ye’ele wo a lat a Yéhôva?
Aval avé bi ne vu Yésus?

Yésus a bo asimba asu na a ve betoyini be bôte bidi a zene ya bifuse bi belet bitan a kos ébaé. Beyé’é bé ba kabe befam, binga a bongô bidi.

6. Yésus a ne akap

To’o Yésus a nji be a bili abui biôme bi mo, a mbe akap. A yi na bia fe bi vu fulu akabe jé. Lañe’e Mam Minlôman 20:35, mvuse ya valé, yala’ane nsili wu:

Yésus a nga liti na benya meva’a ba so vé?

Futi’i VIDÉO, mvuse ya valé, yala’ane nsili wu.

VIDÉO: “Nyô a ve a dañe yen ébotan”—Éfas (4:00)

Aval avé bi ne liti fulu akap to’o éyoñe bi nji bi abui biôm bi mo?

Ye wo too ô yeme’ek?

Kalate Zambe a ye’ele bia na bia yiane ye’elane Yéhôva a zene ya be Yésus. (Lañe’e Jean 16:23, 24.) Éyoñe bia ye’elan a zene ya be Yésus, bia liti na bia ve nye akiba amu a nga volô bia na bi bo bemvôé be Yéhôva.

BÔTE BÉZIÑ BA JÔ NA: “Zambe a bisi ki minju’u bia tôbane mie.