Bia ba’ale élat

1. Bia ba’al’ élat a Yéhôva

Bia liti nye’an ô ne mban.

Metiñe mé, bia yiane yem,

Amu a n’Ésaa wongan.

Mejô mé me vo’o jôñ’lô bia,

Nde bia tôñ me kom ése.

A ne zôsôô, bia buni nye,

Bia tebe ngame Zambe.

2. Bia ba’al’ élat a bobejañ,

Bia su’u be éyoñ y’abé;

A mam bia bo, a mam bia jô,

Bia liti be ésemé.

Bia nyoñ be ngap, bia nyane be

A nleme wongan ôse.

Bia jô’é Bible a late bia,

Bi bo tyiñ jia bia bese.

3. Bia ba’al’ élat a bemvendé

Mbe be tele bia ôsu.

Ba liti bia zene ya tôñ

Asu na bi bo te wu.

Nge bia wô’ô be a nlem ôse

Zambe é botane bia,

Nge bia k’ôsu a ba’al’ élat

Bia ye bo bemvôé be Yah.