“Yéhôva a ne Mba’ale wom”

1. Yéhôva a ne Mba’ale wom;

Ma tôñ zen a liti ma.

A yem asim’san ya nleme wom;

A mame ma fombô ma.

A kee ma vôm bidi bi né,

Na zaé é bo te wôé ma.

A wulu fe ma a nye’an ô ne mban,

Yah a ve ma mon awo’an.

A wulu ma a nye’an ô ne mban,

Yah nnye a ve ma awo’an.

2. Mezene môé mese a Yah,

Me n’évôvoé a zôsôô.

Amu jôé dôé te wo me’ete na

Me kôlô benya mejôô.

Ja’a ma wulu mbi’ili été,

Ôlé wôé wo volô ma.

Ma ye bo te ko mbia jam éziñ woñ,

Amu ô ne Zambe wom.

Ma ye bo te ko mbia jame woñ,

Amu ô ne Zambe wom.

3. A Yéhôva, a Mba’ale wom,

Ma tôñ zen wo liti ma.

Wo wo ve ma ngul a mba Mvôé wom,

A mame ma yiane ma.

Amu ô ne vevea Zambe,

Ma futi ndi jam be wo.

Ngo’o nge beta nye’ane wôé a ne mban

A wulu ma kom ése!

Ngo’o nge nye’ane Zambe ô ne mban

Wo wulu ma kom ése!