3. Amu jé bôte ba bo zambe ésaé ba tôbane minjuk?
Amu jé nsili ôte ô ne mfi?
Éyoñe bôte ba bo Zambe ésaé ba tôbane minjuk, jam ete da yené ékotekot. Jôm ete nje bôte béziñe ba simesane na, é nji bo mfi ya bo mbamba môt, a to ke na wo tôbane minju’u éyoñ ése.
Tame fas
Bôte béziñe ba buni na, môta binam a ke ôsu a wu, a bialé fe abui biyoñ. Ba jô na môt a nga bo mbamba be mam a beta bialé a nyiñe mvo’é, wônaa nyi ki a nga bo mbia be mam, a beta bialé asu na a zu tôbane minjuk. Asu bôte ba buni ñye’elan ôte, to’o ô ne mbamba môt éyoñe ji, nge ô nga bo mbia be mam “éyoñ ô nga taté nyiñ,” wo ye tôbane minjuk. Nde ñhe . .
Minju’u mite mi ne mfi ôvé a to ke na môt ate a beta ki fe simesan mam a nga bo éyoñ a nga taté nyiñ?
Amu jé bia ve ngule na bi sa’ale akon a mam ma kui atemetem nge é ne na ényiñe jangan é tii a mam bi nga bo éyoñe bi nga taté nyiñ?
YEME’E ABUI MAM AFE
Yene’e vidéo a ne nlô ajô na Amu jé Yéhôva a kamane ki na bi tôbane minjuk? e jw.org.
Jé Bible a ye’ele?
Minju’u mi nji bo fonose Zambe.
Ve abui minju’u é wô’ô so éyoñe môt a tele mbia vôm mbia éyoñ.
“Ndañan mbi ô nji bo jôme ya beke mimbi, a ndañane bita ô nji bo jôme ya mingungu, nalé fe fembé é nji bo jôme ya beyeme mam, nge akum e bo jôme ya bôte be ne fek, nge mvam é bo jôme ya bôte be ne atyeñ; ve éyoñ a ndôba’ane bi akui be be bese.”—ÉCCLÉSIASTE 9:11.
Mbôle bi nga bialé nsem été, da bo é kui na bi tôbane minjuk.
Bôte be wô’ô belan éfia “nsem” éyoñe ba kobô ajô mbia jam môt a te bo. Ve Kalate Zambe a belane fe éfia éte asu na a liti na môta binam a nga bialé abé été, to’o a ne mbamba môte nge mbia môt.
“Me nga bialé mbia be mam été; a nyia wom a nga nyoñe abume [dam] abé été.”—BESAM 51:5.
Nsem ô nga telé môta binam nju’u été.
Ô nji su’u ve na ô tyam élat jangan a Nté wongan, ve ô nga bo fe na jo’ojo’o a kui ézezañ bitétéa bi Zambe bise. Jam ete é nga so môta binam abui minjuk.
“Ma ma kômbô bo mvaé; ve abé nde e ne be ma.”—BEROMAIN 7:21, Mfefé Nkôñelan.
“Mintéane mi biôme mise mi afulane yôn a ju’u mintaé.”—BEROMAIN 8:22.