Weh Wi Ku Laan Fahn di Werd a Gaad?

Di Baibl gat een Gaad mesij fi wee tudeh. Ih shoa wi how fi liv wahn gud laif ahn how fi liv eena wahn way weh pleez Gaad. Lang wid dat ih ansa dehnya kweschan:

1. Hoo da di onli chroo Gaad?
2. How yu ku laan bowt Gaad?
3. Da hoo mi rait di Baibl?
4. Yu tink weh di Baibl seh bowt di ert ahn di yoonivers karek?
5. Wat da di mesij eena di Baibl?
6. Weh di Baibl mi prafesai bowt di Mesaiya?
7. Weh di Baibl mi prafesai bowt fi wee dayz?
8. Da Gaad fi blaym wen peepl di sofa?
9. Da wai peepl sofa?
10. Weh di Baibl pramis wahn hapm eena di fyoocha?
11. Weh hapm tu sohnbadi wen ih ded?
12. Weh hoap deh fi dehn wan weh ded?
13. Weh di Baibl seh bowt werk?
14. How fi avoid moni prablemz?
15. How yu ku reeli bee hapi?
16. How yu ku deel wid schres?
17. How di Baibl ku help yu famili?
18. How yu ku geh kloas tu Gaad?
19. Weh deh eena di difrent buk a di Baibl?
20. How yu ku benifit di moas wen yu reed di Baibl?

HOW FI FAIN WAHN SKRIPCHA

Di Baibl da 66 smaal buk put tugeda. Ih divaid op eena too mayn sekshan: di Heebroo-Aramayik Skripchaz (“Oal Testiment”) ahn di Greek Skripchaz (“Nyoo Testiment”). Eech a di buk dehn brok dong eena chapta ahn vers. Wen yu si wahn skripcha, di fos nomba afta di naym a di buk da di chapta, ahn di neks nomba di rifaa tu di vers er di vers dehn. Fi egzampl, Genesis 1:1 di rifaa tu Genesis chapta 1, vers 1.