KWESCHAN 17
How di Baibl ku help yu famili?
FI DI HOZBAN AHN DI PA DEHN
“Di hozban fi lov ih waif jos laik how ih lov ih oan badi. Di man weh lov ih waif lov ihself. Aftaraal, nobadi neva yet hayt ih oan badi. Insted, wi feed wi badi ahn tek kayr a it. . . . Evri hozban fi lov ih waif jos laik how ih lov ihself.”
“Unu weh da faada, noh fi seh ahn du tingz tu unu pikni weh wahn mek dehn beks wid unu. Insteda dat, unu fi teech dehn ahn chrayn dehn eena di Laad way.”
FI DI WAIF DEHN
“Evri waif fi rispek ih hozban.”
“Unu uman weh marid, unu mos put unu hozban fos. Dis da unu jooti bikaaz dehn da wan wid di Laad.”
FI DI PIKNI DEHN
“Chiljren, unu fi obay unu pa ahn unu ma, bikaaz unu bilangz tu di Laad, ahn dat da di rait ting fi du. Di fos komanment weh ga wahn pramis lang wid it mi seh, ‘Yu fi ga rispek fi yu pa ahn yu ma.’ Di pramis weh goh lang wid it seh, ‘If yu du dat, evriting weh hapm tu yu wahn goh gud fi yu, ahn yu wahn liv wahn lang taim ya pahn di ert.’”
“Unu pikni, unu fi obay unu ma ahn pa aal di taim bikaaz dis da weh mek di Laad pleez wid yu.”