Weh Hapm Bikaaz Dehn Lisn tu Saytan?

Adam ahn Eev neva obay Gaad, soh dehn ded. Genesis 3:6, 23

Eev mi lisn tu di snayk ahn eet di froot. Den, shee gi Adam som fi eet, ahn hihn eet it tu.

Weh dehn du mi rang; da-mi wahn sin. Gaad neva mek dehn stay eena Paradais nohmoh.

Laif mi haad fi dehn ahn dehn pikni. Dehn geh oal ahn ded. Wen dehn ded, dehn noh gaan no way; dehn neva egzis nohmoh.

Wen wi ded, wi ton tu dos. Genesis 3:19

Wee ded bikaaz aala wi kohn fahn Adam ahn Eev. Peepl weh ded kyaahn si ner hyaa ner du eniting.—Ecclesiastes 9:5, 6, 10.

Da noh di wil a Gaad fi mek peepl ded. Soon hihn wahn rayz op peepl weh don ded bak tu laif. If dehn lisn ahn obay, dehn wahn liv fareva.