Wachtowa ONLAIN LAIBRI
Wachtowa
ONLAIN LAIBRI
Bileez Kriol
  • BAIBL
  • POBLIKAYSHANZ
  • DI MEETIN DEHN
  • lfb lesn 42 p. 102-p. 103 par. 3
  • Janatan Mi Brayv ahn Laayal

No veedyo avaylabl fi dis.

Sari, wahn ero hapm wen di veedyo mi-di load op.

  • Janatan Mi Brayv ahn Laayal
  • Laan Fahn Peepl Eena di Baibl
  • Ada Infamayshan
  • “Janatan ahn Dayvid Mi Kohn fi Bee Kloas Kloas Fren”
    Kapi Dehn Fayt
  • ‘Notn Kyaahn Stap Jehoava’
    Kapi Dehn Fayt
  • Ga Schrang Lov fi Yu Bradaz ahn Sistaz
    Di Wachtowa—Di Magazeen Weh Anonks di Kingdom a Jehoava (Stodi Kapi)—2021
  • Kweschanz Weh Peepl Aks
    Di Wachtowa—Di Magazeen Weh Anonks di Kingdom a Jehoava (Stodi Kapi)—2022
Laan Fahn Peepl Eena di Baibl
lfb lesn 42 p. 102-p. 103 par. 3
Janatan an ih slayv weh bak ih aama

LESN 42

Janatan Mi Brayv ahn Laayal

King Saal oaldis son, Janatan, da-mi wahn brayv wariya. Dayvid mi seh dat Janatan mi faasa dan wahn eegl ahn schranga dan wahn laiyan. Wahn day Janatan mi si 20 Filisteen soalja pahn wahn hil. Dis da weh ih tel ih slayv weh bak ih aama: ‘Wi wahn atak dehn onli if Jehoava gi wi wahn sain. If di Filisteen dehn tel wi fi kohn kohn fait gens dehn, den wi noa dat wi fi atak dehn.ʼ Di Filisteen dehn hala: ‘kom op ahn fait!ʼ Soh di too man dehn klaim op di hil ahn kil aala di soalja dehn.

Janatan gi Dayvid som a ih persnal tingz

Sins Janatan da-mi Saal oaldis son, da hihn mi sopoas tu bee di neks king. Bot Janatan mi noa dat Jehoava mi chooz Dayvid fi bee di neks king a Izrel. Janatan neva jelos. In fak, hihn ahn Dayvid mi geh fi bee kloas frenz. Dehn mi pramis fi protek ahn difen eech ada. Ahn fi shoa dat dehn da frenz, Janatan mi gi Dayvid ih koat, ih soad, ih belt, an ih boa an aro.

Wen Dayvid mi-di ron weh fahn Saal, Janatan gaahn si Dayvid ahn tel ahn: ‘Bee schrang, ahn noh bee frayd. Jehoava chooz yoo fi bee king. Eevn mi pa noa dat.ʼ Yoo wuda waahn ga wahn gud fren laik Janatan?

Moa dan wan taim, Janatan mi ris ih laif fi help ih fren. Hihn mi noa dat King Saal mi waahn kil Dayvid, soh hihn tel ih pa: ‘Ih wahn bee wahn sin if yu kil Dayvid; hihn noh du notn rang.ʼ Saal mi geh beks bad wid Janatan. Sohn yaaz layta, Saal ahn Janatan mi ded tugeda eena waar.

Afta Janatan mi ded, Dayvid mi-di saach fi Janatan son Mefiboshet. Wen Dayvid mi fain ahn, ih tel Mefiboshet: ‘Bikaaz yu pa da-mi mai gud fren, Ai wahn tek kayr a yu fi di res a yu laif. Yu wahn liv eena mai palis ahn yu wahn eet da mai taybl.ʼ Dayvid neva did ferget ih fren Janatan.

“Lov wan anada jos laik how Ai lov unu. Nobadi ga grayta lov dan di persn weh giv op ih laif fi ih fren dehn.” —Jan 15:12, 13

Sohn Kweschan: How Janatan mi shoa dat ih brayv? How Janatan mi shoa dat ih laayal?

1 Samwel 14:1-23; 18:1-4; 19:1-6; 20:32-42; 23:16-18; 31:1-7; 2 Samwel 1:23; 9:1-13

    Bileez Kriol Poblikayshanz (2013-2025)
    Lag Owt
    Lag Een
    • Bileez Kriol
    • Shayr
    • Setinz
    • Copyright © 2025 Watch Tower Bible and Tract Society of Pennsylvania
    • Kandishanz fi di Yoos a Dis Websait
    • Praivasi Palisi
    • Privacy Settings
    • JW.ORG
    • Lag Een
    Shayr