How fi Yooz Dis Lee Buk

Eena dis lee buk, yu wahn ku reed wahn skripcha fi eech day, ahn den sohn koments pahn di vers fi da day. Eevn doa yu ku reed it eni taim joorin di day, lata peepl prifaa fi reed it da maanin. Wai? Kaaz den yu wahn ku tink bowt it joorin di day. Yu famili ku benifit wahn lat if yu reed ahn diskos it tugeda. Bradaz ahn sistaz da Betel aal oava di werl du dis tugeda eech maanin.

Di koments pahn eech Baibl vers kohn fahn di Wachtowa (w) aatikl dehn fahn Aypril 2021 tu Maach 2022. Di nombaz afta di dayt a di Wachtowa tel yu wich payj, ahn den wich paragraaf a di magazeen di koments kohn fram. (Si di picha pahn dis payj.) Soh if yu waahn reed moa bowt di skripcha fi di day, yu ku luk op di aatikl eena di magazeen.