Yooz di Injai Laif Fareva! Buk fi Bil Fayt Eena Jehoava ahn Jeezas

Baibl Styoodents need fi ga schrang fayt if dehn waahn pleez Gaad. (Heeb 11:6) Wi ku yooz di Injai Laif Fareva! buk fi help wi Baibl styoodents. Dis buk ku help dehn laan impoatant skripchaz, ih ku help dehn andastan weh dehn di laan, ih ga kweschanz weh ku help dehn tink bowt weh dehn di laan, ih ga lata veedyo weh ku help dehn yooz weh dehn di laan eena dehn laif, an ih aalso ga sohn byootiful pichaz. Wen wi help wi Baibl styoodents fi ga Kristyan kwalitiz ahn fi divelop wahn rilayshanship wid Gaad, da laik if wi di help dehn bil dehn fayt wid mateeryal weh faiya kyaahn dischrai.—1Ko 3:12-15.

Sohn peepl fain it haad fi imajin dat dehn ku bee Gaad fren. Dehn feel dis way bikaaz dehn kyaahn si ahn. Soh wee need fi help dehn fi geh fi noa Jehoava ahn fi chros eena hihn.

WACH DI VEEDYO WEH NAYM YOOZ DI “INJAI LAIF FAREVA!” BUK FI BIL FAYT EENA JEHOAVA, AHN DEN ANSA DEHNYA KWESCHAN:

• How wi noa dat di sista mi pripyaa gud fi di stodi?

• How shee mi yooz ada gud kweschanz fi help ih styoodent ekspres how ih feel ahn weh ih tink bowt Isaiah 41:10, 13?

• How di styoodent mi feel afta ih mi wach di veedyo ahn reed di skripchaz?

Wahn lata peepl noh noa wat da di ransom, er dehn noh seeʼt az wahn gif weh Gaad gi dehn. (Ga 2:20) Soh, wee need fi help dehn bil op dehn fayt eena Jeezas ransom sakrifais.

WACH DI VEEDYO WEH NAYM YOOZ DI “INJAI LAIF FAREVA!” BUK FI BIL FAYT EENA JEEZAS, AHN DEN ANSA DEHNYA KWESCHAN:

• How wi noa dat di brada mi pripyaa gud fi di stodi?

• How ih mi yooz di “Fain Owt Moa” sekshan a di lesn fi help di styoodent?

• Wai ih impoatant fi mek wi pray fi wi styoodent?