Di Sadnis Weh Yu Feel Wen Sohnbadi Weh Yu Lov Ded

“Mee ahn mi waif Sophiaa mi marid fi moa dan 39 yaaz. Shee mi ded afta ih mi-di sofa fi wahn lang taim fahn wahn terabl siknis. Mi frenz mi sopoat mi wahn lat, an Ah mi kip miself bizi. Bot fi wahn hoal yaa, Ah mi feel reeli sad. Ah mi reeli kyaahn kanchroal mi feelinz. Da aalmoas chree yaaz now sins shee ded an Ai wuda sodn-wan feel veri sad sohntaim.”—Kostas.

Yoo eva looz sohnbadi weh yu lov eena det? If yes, den yu ku andastan how Kostas feel. Peepl sofa wahn lat wen dehn marij mayt, wahn famili memba, er wahn kloas fren ded. Wahn aatikl eena The American Journal of Psychiatry seh dat wahn lata peepl feel reeli sad bikaaz dehn feel laik dehn looz da persn fareva. Sohnbadi weh di goh chroo dis terabl sadnis mait wanda: ‘How lang Ah wahn feel laik dis? Ai wahn eva bee hapi agen? Weh ku help mi fi feel beta?ʼ

Dis kapi a di Awayk! wahn ansa dehndeh kweschan. Di neks aatikl wahn diskos weh yu ku ekspek if sohnbadi weh yu lov laytli ded. Ahn di res a aatikl waahn shoa yu weh ku help yu fi feel beta.

Wi reeli hoap dat di aatikl dehn eena dis magazeen wahn komfert ahn help enibadi weh looz wahn famili er fren eena det.