Jehoava Lisn tu Wi Wen Wi Pray

Gaad reeli hyaa wi wen wi pray. 1 Peeta 3:12

Jehoava da di “Wan weh hyaa wi wen wi pray.” (Psalm 65:2) Hihn waahn mek wi pray tu ahn fahn wi haat.

Wi fi pray onli tu Jehoava ahn noh tu nobadi els.

Wi ku pray tu Gaad bowt lata ting. 1 Jan 5:14

Pray fi mek di wil a Gaad hapm pahn di ert, sayhn way laik how ih di hapm da hevn.

Pray chroo Jeezas naym. Dis shoa dat yu graytful fi weh hihn du fi yu.

Bayg Jehoava fi help yu du gud. Pray fi mek ih gi yu food fi eet ahn help yu tek kyaa a yu famili. Taak tu ahn bowt yu helt. Aks ahn fi mek yu ga wahn roof oava yu hed, ahn kloaz fi wayr.