Inchrodokshan tu Sekshan 8

Jehoava mi bles Salaman wid lata wizdom an ih giv ahn di privilij fi bil di templ. Bot lee bit bai lee bit ih jraa weh fahn Jehoava. If yu ga chiljren, eksplayn tu dehn dat peepl weh mi wership faals gaadz mi mek Salaman jrif weh fahn Jehoava. Di nayshan a Izrel mi geh divaidid eena too, ahn sohn bad king mi mek di nayshan a Izrel staat tu wership ada gaadz. Joorin da taim, dehn mi-di persikyoot lata laayal prafit a Jehoava ahn dehn mi eevn kil dehn. Kween Jezibel mi mek lata peepl eena di naadan kingdom staat tu wership ada gaadz. Da mi wahn terabl taim fi di Izrelaits kaaz dehn mi-di lef Jehoava ahn wership faals gaadz. Bot dehn mi stil ga sohn faytful Izrelaits weh mi kip di serv Jehoava, laik King Jehoshafat ahn di prafit Ilaija.