SANG 14
Prayz di Nyoo King a di Ert
1. Krais Jeezas an ih breda dehn
hoo gwehn goh rool da hevn,
di gyada op di big big krowd
fahn evri chraib ahn nayshan.
Di King di rool, wi giv ahn prayz,
wi stan op schrang ahn wee noh frayd.
Gaad Werd gi wi hoap weh neva fayd,
ahn wahn mesij a salvayshan.
(KOAROS)
Prayz wi Gaad, Jehoava; prayz ih Son fareva—
hihn da di King oava aal di ert.
Soh wi bow ahn giv ahn aana an prayz,
obay ahn wid aal wi haat.
2. Wi prayz di Krais, di ert nyoo King,
wid hapinis wi serv ahn.
Dis Prins a Pees ahn raichos Joj
dizerv di prayz an aana.
Wi wayt fi si weh hihn wahn du
fi mek Gaad pramis dehn kohn chroo—
di pramis a evalastin laif
ahn di fyoocha rezorekshan!
(KOAROS)
Prayz wi Gaad, Jehoava; prayz ih Son fareva—
hihn da di King oava aal di ert.
Soh wi bow ahn giv ahn aana an prayz,
obay ahn wid aal wi haat.