Bee Pazitiv ahn Bil Op Adaz

Job 16:5

WEH FI DU: Foakos pahn tingz weh wahn giv peepl ansaz, noh pahn di prablem dehn. Ahn foakos pahn tingz weh wahn help dehn.

HOW FI DU IT:

• Ga wahn pazitiv vyoo a di aadyans. Bileev dat yu bradaz ahn sistaz waahn pleez Jehoava. Gi sinsyaa komendayshan wen yu kud, espeshali if yu haftu gi kongsl aftawodz.

• Noh taak bowt tu moch negitiv tingz. Bring op negitiv tingz onli if ih nesiseri fi teech wan a di points fahn di taak. Di hoal feelin a yu taak er prezentayshan shuda bee pazitiv.

• Mek gud yoos a di Werd a Gaad. Point owt weh Jehoava don du, weh ih di du now, ahn weh ih wahn du fi aal hyoomanz. Gi yu aadyans er howshoalda hoap ahn korij.