Shoa Kompashan

Weh Jeezas Mi Du

VEEDYO: Jeezas Haat Gaan Owt tu di Krowd a Peepl

1. Wach di VEEDYO, er reed Maak 6:​30-34. Den aks yuself dehnya kweschanz:

1. Wai Jeezas an ih apaslz mi waahn “deh bai dehnself”?

2. Weh mi moov Jeezas fi teech di peepl?

Weh Wi Laan Fahn Jeezas?

2. Wi shayr di gud nyooz wid peepl bikaaz wi reeli kay bowt dehn.

Bee Laik Jeezas

3. Lisn gud. Alow di persn fi tel yu how ih feel. Noh bot een er ignoar ih feelinz, di tingz ih inchrestid eena, er tingz weh ih noh agree wid. Wen yu lisn tu di persn, ih wahn noa dat yu reeli inchrestid eena weh ih ga fi seh.

4. Tink bowt di persn weh shoa inchres. Fahn di kanvasayshanz weh yoo ahn di persn don gat, aks yuself dehnya kweschanz:

1. ‘Wai dis persn need fi noa di chroot?ʼ

2. ‘How wahn Baibl stodi ku help ahn eena ih laif now ahn giv ahn wahn beta fyoocha?ʼ

5. Taak bowt tingz fahn di Baibl weh ku help di persn. Az soon az pasabl, shoa di persn how wahn Baibl stodi ku ansa ih kweschanz ahn how di Baibl ku help ahn eena ih laif.