Fain Jai Di Preech di Gud Nyooz

Yoo eva feel dat ih haad fi preech? Lata wi wuda seh yes tu da kweschan. Di reezn da kaaz plenti taim wi meet peepl weh noh inchrestid er peepl weh noh frenli eena wi teritori er wi feel frayd fi taak tu peepl weh wi noh noa. Tingz laik dehnya ku mek wi looz wi jai. Bot wi wership wahn hapi Gaad weh waahn mek wi serv ahn wid jai. (Ps 100:2; 1Tim 1:11) Wat da chree gud reezn wi gat fi preech wid jai?

Di fos reezn da bikaaz wi preech wahn mesij a hoap. Eevn doa noh moch peepl ga hoap tudeh, wi ku stil help dehn fi geh jai wid di “gud nyooz bowt sohnting beta.” (Isa 52:7) Bot di gud nyooz bowt di Kingdom a Gaad ku ful wee op wid jai tu. Bifoa wi goh owt goh preech, tink gud pahn di blesin dehn weh Gaad Kingdom wahn bring pahn di ert.

Di sekant reezn da kaaz di gud nyooz weh wi preech help peepl eena wahn fizikal ahn spirichwal way. Dehn laan how fi stap du tingz weh bad, ahn dehn geh di hoap fi liv fareva. (Isa 48:17, 18; Roam 1:16) Wi ku imajin wiself di saach fi peepl afta wahn dizaasta, som mait noh waahn wi help dehn, bot wi kip di saach fi dehn wan weh waahn di help.—Mach 10:11-14.

Di terd reezn da bikaa wi preechin werk aana Jehoava. Dis werk veri impoatant tu hihn. (Isa 43:10; Heeb 6:10) Hihn noh hoal bak fahn gi wi ih hoali spirit fi help wi du dis werk. Soh, wi need fi bayg Jehoava fi help wi ga jai, kaaz dis kohn fahn fi hihn hoali spirit. (Gal 5:22) Wid fi hihn help, wee ku get oava eniting weh mek wi feel frayd ahn preech wid korij. (Aks 4:31) Den, noh kay how peepl rispan eena wi teritori, wi ku injai wi asainment fi preech.—Eze 3:3.

WACH DI VEEDYO GEH BAK YU JAI WEN YU STODI AHN TINK BOWT WEH YU DI LAAN, AHN DEN ANSA DEHNYA KWESCHAN:

• Wai wi need fi foakos pan how wi feed wiself eena wahn spirichwal way, eevn if wi spen lata taim di preech evri mont?

• Eena weh way wi shuda kapi Mayri egzampl?

• Da wen yoo mek taim fi tink gud bowt weh yu reed eena di Baibl?

• Da wat mek yoo feel hapi wen yu di preech di gud nyooz?