Eevn doa di Paasoava neva reprizent di Memoaryal, sertn tingz bowt di Paasoava stil ga meenin fi wee tudeh. Fi egzampl, di apasl Paal mi kaal Jeezas “fi wee Paasoava Lam.” (1Kor 5:7) Jos laik how di blod a di lam weh di Izrelait dehn mi put pahn dehn doa poas mi sayv fi dehn laif, Jeezas blod sayv fi wee laif. (Ex 12:12, 13) Pahn tap a dat, dehn neva brok non a di boan fahn di Paasoava lam. Jos laik dat, dehn neva brok non a Jeezas boan wen dehn mi kil ahn, eevn doa dehn naamali wuda du dat.—Ex 12:46; Jan 19:31-33, 36.