Du beta eena di minischri—Laan How fi Yooz JW.ORG

WAI DIS IMPOATANT: Evri poblikayshan eena wi Teechin Toolbaks kehr yu tu jw.org. In fak, di mayn perpos a di kantak kyaad ahn di chrak Wehpaat Wi Kud Fain di Ansa tu di Moas Impoatant Kweschan Dehn Eena Laif? da fi dairek peepl tu wi websait. Fi plays wahn poblikayshan fahn wi Teechin Toolbaks, yu ku yoos jw.org fi eemayl di persn wahn ilekchranik kapi er shayr di link wid dehn. Dis da wahn gud tool fi yooz wen yu di preech tu sohnbadi weh taak wahn neks langwij. Yu ku fain di ansa tu sohn kweschanz weh peepl mait aks eena sohn ada poblikayshanz weh noh deh eena wi Teechin Toolbaks. Wi ku du moch beta eena di minischri, if wi laan how fi mek gud yoos a di websait.

HOW FI DU IT:

• 

  Yooz di “BAIBL TEECHINZ” tab. Sopoaz yu di preech tu wahn payrent weh waahn noa moa bowt how fi rayz wahn pikni. Goh tu BAIBL TEECHINZ > MARIJ AHN FAMILI.

• Yooz di “POBLIKAYSHANZ” tab. Sopoaz yu di preech tu wan a yu klaasmayt da skool ahn yu waahn shoa ahn di broashoar Ansaz tu 10 Kweschanz Weh Yong Peepl Aks. Goh tu POBLIKAYSHANZ > BUK AHN BROASHOAR.

• Yooz di “LAAN BOWT WI” tab. Sopoaz yu di preech tu sohnbadi weh werk lang wid yu an ih wuda waahn reed wahn shaat eksplanayshan a wi bileef dehn. Goh tu ABOUT US > FREQUENTLY ASKED QUESTIONS.

WACH DI VEEDYO LAAN HOW FI YOOZ JW.ORG, AHN DEN TINK BOWT WEHPAAT YU WUDA GOH PAHN DI WEBSAIT FI HELP:

• sohnbadi weh noh bileev eena Gaad

• sohnbadi weh di goh chroo wahn chraiyal

• wahn brada er sista weh inaktiv

• wahn ritern vizit weh di wanda weh di moni kohn fram fi aal di werk weh wi di du

• wahn farina weh waahn goh da wahn meetin wehpaat ih liv