“Giv Jehoava Wahn Gif Eena Ih Han”

Eena weh way wi ku “kohn fronta Jehoava tudeh wid wahn gif eena wi han”? (1Ch 29:5, 9, 14) Pahn dis payj wi wahn shoa difrent wayz how wi ku chooz fi gi valanteri doanayshan soh dat wi ku sopoat di werk weh Jehoava Witnisiz di du eena wi ayrya an aal oava di werl.

DI DOANAYSHAN DEHN WEH WI MEK ONLAIN ER WEH WI PUT EENA DI KANCHRIBYOOSHAN BAKS FI SOPOAT:

• 

  DI WERLWAID WERK

  bil ahn kip di mantayn di difrent branch bildin ahn rimoat chranslayshan aafis dehn

  di teeyokratik skool dehn

  bradaz ahn sistaz eena ful-taim servis

  dizaasta rileef

  print poblikayshanz, mek di veedyo dehn, ahn poblish lichricha onlain

• 

  LOAKAL KANGRIGAYSHAN EKSPENS

  kangrigayshan ekspens, laik bilz ahn mantaynans fi di Kingdom Haal

  eni disizhan weh di kangrigayshan mek fi sen moni tu di branch aafis fi:

  • Kingdom Haal an Asembli Haal kanschrokshan werlwaid

  • di Global Assistance Arrangement

  • ada proajeks aal oava di werl

DI KANVENSHAN AN ASEMBLI DEHN

Di doanayshan dehn weh yu gi da di reejinal kanvenshan goh tuwaadz di werlwaid werk. Den, di bradaz yooz da saym moni fahn di werlwaid werk fi pay aala di ekspens fi di reejinal, speshal, an intanashanal kanvenshan dehn.

Di doanayshan dehn weh wi gi tu di serkit geh yooz fi pay rent, mantayn di bildin dehn weh wi yooz fi di asembli dehn, ahn pay fi ada tingz weh di serkit need. Wahn serkit mait disaid fi kanchribyoot eni ekschra moni tu di werk weh Jehoava Witnisiz di du aal oava di werl.