Gaad Noh Wahn Faget Yu Haad Werk

Wen wi du tingz fi Jehoava wi di bil wahn rekad a saykrid servis tu Gaad. Wahn payrent weh lov ih pikni wahn neva faget di gud tingz weh ih pikni du far ahn. Sayhn way, Jehoava wahn neva faget wi haad werk ahn di lov weh wi shoa fi ih naym. (Mach 6:20; Heeb 6:10) Bot aala wi ga difrent abiliti ahn wi sichuwayshan dehn difrent, soh wi noh waahn kompyaa wiself wid wan anada. Aal Jehoava waahn da fi mek wi du wi bes eena wi servis tu ahn, an if wi du dat wi wahn hapi. (Gal 6:4; Kol 3:23) Oava di yaaz, towznz a bradaz ahn sistaz serv da Betel. Yu tink yoo ku valantyaa fi werk da Betel? If yu kyaahnt, yu tink yoo ku inkorij sohnbadi els fi valantyaa er yu ku help sohnbadi fahn di Betel famili kantinyu fi injai dis speshal privilij?

WACH DI VEEDYO MEK YUSELF AVAYLABL FI BETEL SERVIS, AHN DEN DISKOS DEHNYA KWESCHANZ:

• Da wat shuda mek yu waahn serv da Betel?

• Wat da som a di blesin weh wi bradaz ahn sistaz ekspeeryens di serv da Betel?

• Da how wi ku kwalifai fi serv da Betel?

• Da how fi aplai fi goh serv da Betel?