Jehoava Gaad Lov Peepl Weh Kleen

“Goh wash yu han. Goh kleen yu room. Goh sweep di floa. Chroa weh di gyaabij.” Wahn lata payrents teech dehn pikni how fi stay fizikali kleen. Bot dis prinsipl kohn fahn wi Gaad weh hoali. (Ex 30:18-20; De 23:14; 2Kor 7:1) Wen wi kip wi badi ahn di tingz weh wi ga kleen, wi bring aana tu Jehoava. (1Peet 1:14-16) Wat bowt wi hows ahn di yaad wehpaat wi liv? Wi noh fi bee laik sohn peepl weh chroa fi dehn gyaabij pahn di schreet an eena di paak. No, Kristyanz fi chrai du fi dehn bes fi kip di ert kleen. (Ps 115:16; Rev 11:18) Wi ku shoa dat wi da kleen peepl eevn eena smaal wayz laik wen wi chroa wi chingom, sweet paypa er saaf jrink batl eena di prapa plays. Evriting wi du shuda shoa dat “wee reeli di serv Gaad fi chroo.”—2Kor 6:3, 4.

WACH DI VEEDYO GAAD LOV PEEPL WEH KLEEN, AHN DEN ANSA DEHNYA KWESCHANZ:

• Wat da sohn ekskyooz weh peepl mek wen dehn noh kip weh dehn ga kleen?

• How di Laa weh Jehoava mi gi Moaziz shoa wai ih impoatant fi bee kleen?

• How wi ku gi wahn witnis tu adaz widowt seh wahn werd?