Yoo Ku Aafa Yu Taim an Enerji?

Jos laik weh Aizaiya mi prafesai, Jehoava aaganaizayshan di groa moa ahn moa. (Isa 54:2) Soh now dis meen dat wi wahn need sohn nyoo Kingdom Haal, Asembli Haal, ahn branch aafis. An afta di kanschrokshan werk finish, dehnya bildin need mantaynans, ahn som wahn soon need fi geh fiks op soh dat dehn deh eena beta kandishan. How dis gi wi di apachooniti fi aafa wi taim an enerji tu Jehoava?

• Wee ku help owt weneva wi feel servis groop skejul fi help kleen di Kingdom Haal

• Wee ku valantyaa fi geh chraynin pahn how fi mantayn wi Kingdom Haal

• Wee ku ful owt wahn Local Design/Construction Volunteer Application (DC-50) fi help owt enitaim wahn kanschrokshan ahn mantaynans proajek di tek plays eena wi ayrya

• Wee ku ful owt wahn Application for Volunteer Program (A-19) ahn valantyaa fi help owt eena wi branch teritori da Betel er eni ada branch fi wahn week er moa

WACH DI VEEDYO PLANZ FI WAHN NYOO KANCHROKSHAN PROAJEK—VEEDYO KLIP, AHN DEN ANSA DEHNYA KWESCHAN:

• How wi staat yooz moa ahn moa veedyo sins di yaa 2014?

• Sins wi ga wahn need fi moa ahn moa veedyo, wat da di planz fi wahn fyoocha proajek weh wahn help wi fi projoos moa veedyo, ahn wen di proajek wahn staat ahn finish?

• How di valantyaa dehn ku help owt eena dis proajek?

• If wi waahn help owt wid di kanschrokshan proajek da Ramapo, wai wi shuda ful owt wahn DC-50 aplikayshan ahn help wid di Local Design/Construction proajek eena yu ayrya?

• Weh evidens wi ku si dat Jehoava di gaid dis proajek?

• How wee ku stil sopoat dis proajek eevn doa wi mait kyaahn help owt eena di kanschrokshan?