Shoa Lov Eena di Famili

Lov da di gloo weh kip wahn famili tugeda. If wahn famili noh ga lov, dehn wan schrogl fi stay tugeda ahn dehn noh wahn werk gud wid wan anada. How di hozban, di waif, ahn di payrents ku shoa lov eena di famili?

Wahn lovin hozban kay bowt weh ih waif need, tink, ahn feel. (If 5:28, 29) Hihn wahn provaid fizikali ahn spirichwali fi ih famili, an ih wahn aalso ga Famili Wership wid dehn evri week. (1Ti 5:8) Wahn lovin waif put ihself anda ih hozban atariti an ih ga “deep rispek” far ahn. (If 5:22, 33; 1Pe 3:1-6) Wahn hozban an wahn waif need fi bee wilin fi fergiv wan anada. (If 4:32) Payrents weh lov dehn pikni shoa inchres eena eech wan a dehn pikni ahn dehn teech dehn fi lov Jehoava. (De 6:6, 7; If 6:4) Wat da sohn chalenjiz weh pikni fays da skool? How dehn di deel wid pyaa presha? Wen wahn famili ga lata lov fi wan anada, evribadi eena di famili wahn feel sayf.

WACH DI VEEDYO SHOA DI KAINA LOV WEH WAHN LAAS FAREVA EENA YU FAMILI AHN DEN ANSA DEHNYA KWESCHAN:

• 

  How wahn hozban weh lov ih waif feed ahn cherish ahn?

• 

  How wahn waif weh lov ih hozban shoa dat ih ga deep rispek far ahn?

• 

  How payrents weh lov dehn pikni ku teech dehn bowt di Baibl?