Chreet di Oalda Uman Dehn az Yu Ma ahn di Yonga Uman Dehn az Yu Sista

Di Skripchaz tel wi fi chreet oalda Kristyanz laik dehn da wi ma ahn pa ahn yonga wanz laik dehn da wi breda ahn sista. (Reed 1 Timoti 5:1, 2.) Bradaz reeli need fi fala dis kongsl ahn chreet sistaz wid rispek.

Wahn brada wuda neva flert er du eniting els weh wuda mek wahn sista feel aakwad wen ih deh rong ahn. (Job 31:1) If wahn singl brada noh reeli inchrestid eena wahn singl sista, ih shuda neva play wid di sista feelinz ahn mek shee feel laik hihn waahn wahn romantik rilayshanship wid ahn.

Eldaz shuda shoa kansidarayshan ahn bee kain tu sistaz wen dehn aks kweschanz er if dehn point owt sohnting weh di elda need fi tek kayr a. Eldaz need fi shoa ekschra kansidarayshan wid sistaz weh noh ga wahn hozban fi protek dehn.—Ru 2:8, 9.

WACH DI VEEDYO WEH NAYM SHOA DI KAINA LOV WEH LAAS FAREVA EENA DI KANGRIGAYSHAN—TU DI WIDO DEHN AHN DEHN WAN WEH NOH GA PA, AHN DEN ANSA DEHNYA KWESCHAN:

• 

  How di kangrigayshan mi shoa lata lov tu Sista Myint?

• 

  How di lov weh di kangrigayshan shoa mi gi wahn gud witnis tu di peepl eena di vilij?

• 

  How di lov weh di kangrigayshan shoa mi help Sista Myint daata dehn?

Wat da sohn gud wayz how yoo ku shoa dat yu lov ahn kay fi di sistaz eena fi yoo kangrigayshan?