Kip Di Chrayn Yuself fi Noa di Difrens Bitween Gud ahn Bad

Wahn persn weh eena spoats need fi kip aan di chrayn ihself soh dat ih ku kantinyu du gud. Sayhn way soh, wi need fi kantinyu chrayn wiself soh wi ku noa di difrens bitween gud ahn bad. (Hee 5:14) Ih eezi fi mek wi kapi ada peepl disizhanz, bot wi need fi laan how fi tink ahn mek wi oan disizhanz. Wai? Bikaaz Gaad wahn joj eech wan a wi akaadn tu di disizhanz weh wi mek.—Ro 14:12.

Wi shudn tink dat wi wahn aalwayz mek gud disizhanz jos bikaaz wi baptaiz fi lata yaaz. Fi mek gud disizhanz, wi need fi ga kompleet chros eena Jehoava, fi hihn Werd, an ih aaganaizayshan.—Jos 1:7, 8; Pr 3:5, 6; Ma 24:45.

WACH DI VEEDYO WEH NAYM “GA WAHN KLYAA KANSHANS,” AHN DEN ANSA DEHNYA KWESCHAN:

• 

  Weh disizhan Emma mi haftu mek?

• 

  Wai wi shudn gi wi persnal opinyan pahn tingz weh ga fi du wid wi kanshans?

• 

  Weh gud advais wahn kopl mi shayr wid Emma?

• 

  Wehpaat Emma mi fain gud infamayshan weh mi help ahn wid ih sichuwayshan?