Aksep Help Fahn Jehoava Chroo Pryaa

Da Jehoava weh mek di seed a chroot tek root ahn groa eena wahn persn haat. (1Ko 3:6-9) Soh if wi waahn ga sokses eena di minischri, wi haftu pen pahn Jehoava fi help wee ahn wi Baibl styoodent dehn.

Aks Jehoava fi help yu styoodent dehn deel wid di prablemz weh dehn di goh chroo. (Fil 1:9, 10) Tel Jehoava egzakli wat da di prablem. Pray an aks Jehoava fi hoali spirit soh dat ih gaid yu tinkin an akshanz. (Lk 11:13) Teech yu Baibl styoodent dehn how fi pray; noh jos tel dehn fi pray. Inkorij dehn fi du it ahn shoa dehn wai ih impoatant. Pray lang wid yu Baibl styoodents ahn pray fi dehn tu, yooz dehn naym eena yu pryaaz.

WACH DI VEEDYO WEH NAYM FEEL DI JAI WI FEEL WEN WI MEK DISAIPLZ—AKSEP HELP FAHN JEHOAVA—PRYAA, AHN DEN ANSA DEHNYA KWESCHAN:

• Weh chalenj Neeta mi fays wen ih mi-di stodi wid Jade?

• How 1 Korintyanz 3:6 mi help Neeta?

• How Neeta mi deel wid ih chalenj?