LIV YU LAIF AZ WAHN KRISTYAN
Chrai Laan fi Tink di Way How Gaad Tink
Wi waahn mek Jehoava bee hapi wid evriting weh wi du. (Pr 27:11) Fi du dat, wi haftu mek fi wee disizhanz agree wid fi hihn tinkin eevn wen no laa er koman deh fi gaid wi. Weh ku help wi du dat?
Stodi di Baibl regyula. Evri taim wi stodi di Baibl, da laik wi di spen taim wid Jehoava. Wi ku laan bowt di way how Jehoava tink wen wi luk pahn how ih deel wid ih peepl ahn wen wi meditayt pahn di egzampl a peepl weh du gud er bad akaadn tu Jehoava. Wen wi need fi mek wahn disizhan, hoali spirit ku help wi memba di impoatant lesn ahn prinsipl dehn weh wi laan fahn Gaad Werd.—Jn 14:26.
Du risaach. Wen yu haftu mek wahn disizhan, aks yuself, ‘Wich Baibl pasij ku help mi andastan how Jehoava feel bowt di mata?ʼ Pray tu Jehoava fi help, ahn yooz di risaach toolz weh avaylabl eena yu langwij fi help yu fain ahn yooz Baibl prinsiplz eena yu sichuwayshan.—Ps 25:4.
WACH DI VEEDYO WEH NAYM WI HAFU ‘RON DI RAYS AHN NOH GIV OPʼ—EET HELTI FOOD, AHN DEN ANSA DEHNYA KWESCHAN:
Weh kaina presha di yong sista eena di veedyo mi deh anda?
How yu kuda yooz di risaach toolz fi help yu deel wid simila sichuwayshanz?
How wi benifit wen wi tek taim fi du risaach ahn persnal stodi weh ku help wi mek gud disizhanz?—Hee 5:13, 14