LIV YU LAIF AZ WAHN KRISTYAN
Dehn Werk Haad fi Serv Wi
Wen di serkit oavaseeya dehn ahn dehn waif werk haad fi serv adaz, dis shoa dat dehn lov adaz moa dan dehnself. Dehn da naamal peepl jos laik wee, soh dehn geh taiyad, diskorij, ahn ga woriz. (Jay 5:17) Stilyet, evri week dehn foakos pahn how dehn ku help an inkorij di bradaz ahn sistaz eena di kangrigayshan weh dehn di vizit. Fi shoar wi serkit oavaseeya dehn dizerv “lata rispek.”—1Ti 5:17.
Wen di apasl Paal mi vizit di kangrigayshan da Roam fi gi di bradaz sohn “spirichwal gif,” hihn mi-di luk faawod fi mek dehn “inkorij wan anada.” (Ro 1:11, 12) Yu eva tink bowt wayz how yu ku inkorij di serkit oavaseeya an, if ih marid, ih waif tu?
WACH DI VEEDYO WEH NAYM DI LAIF A WAHN SERKIT OAVASEEYA, AHN DEN ANSA DEHNYA KWESCHANZ:
How di serkit oavaseeya ahn dehn waif shoa dat dehn reeli lov dehn bradaz ahn sistaz?
How yoo benifit fahn aala di haad werk weh di serkit oavaseeya an ih waif du?
How wee ku inkorij di serkit oavaseeya an ih waif?