Wat Da Yu Goalz fi di Nyoo Servis Yaa?

Spirichwal goalz da eniting weh wi werk haad fi du soh dat wi ku du moa fi Jehoava ahn mek hihn hapi. Di sakrifais weh wi mek fi reech dehndeh goalz wert it bikaaz ih help wi fi bee wahn machoar Kristyan. (1Ti 4:15) Wai wi shuda aalwayz chek how wi di du wid wi goalz? Bikaaz wi serkomstans aalwayz chaynj. Fi egzampl, maybi wahn goal weh yu mi set eena di paas mait noh bee pasabl nohmoh. Er wi mait don reech wahn goal weh wi mi set, soh wi need fi set wahn nada wan.

Wahn gud taim fi chek yu goalz da bifoa wahn nyoo servis yaa staat. Yu tink yoo ahn yu famili ku taak bowt goalz joorin famili wership? Maybi eech wan a unu ku set sohn persnal goalz ahn sohn goalz weh di hoal famili ku werk pan.

Bays pahn dis lis, wat da sohn goalz weh yoo ku set fi yuself? Ahn wat da sohn tingz weh yu need fi du fi reech dehndeh goalz?