Wi Need Wahn Beta Werl!
“Wi liv eena wahn werl weh ful op a prablemz.” Dis da weh António Guterres, di sekiteri-jenaral a di United Nations, mi seh. Weh hihn seh mek sens, noh chroo?
Di nyooz ful op a ripoat weh ku diskorij wi:
Dizeez ahn pandemik
Nachral dizaasta
Peepl poa ahn hongri
Polooshan ahn bad weda aal rong di werl
Kraim, vailens, ahn koropshan
Waar
Wi need wahn beta werl. Wahn werl weh:
Ga perfek helt
Sayf fi liv eena
Ga lata food
Kleen
Evribadi geh chreet fyaa
Ful a pees
Bot, weh wi meen wen wi seh wahn beta werl?
Weh wahn hapm tu di werl weh wi di liv eena?
Weh wee ku du fi liv eena wahn beta werl?
Dis kapi a Di Wachtowa wahn gi wi komfertin ansaz bikaaz ih eksplayn weh di Baibl seh bowt dehndeh kweschan.