Stodi Tip

Sohn Wayz How Wi Ku Kip Op tu Dayt Wid Nyoo Andastandin a di Skripchaz

Wi ga di privilij fi liv eena dehnya eksaitin taimz. Jehoava di help wi andastan ih Werd beta dan eva bifoa. (Dan. 12:4) Eevn soh, wi mait fain it haad fi kip op wid di nyoo andastandin a difrent Baibl teechinz. Wehpaat wi ku fain dehndeh nyoo andastandin?

• Wi ku luk eena di Watch Tower Publications Index anda “Beliefs Clarified.” Rait deh wi ku fain wahn kompleet lis a dehnya nyoo andastandin akaadn tu di yaa wen dehn chaynj. Wahn nada way wi ku fain dehn bai tapik da if wi taip “understanding clarified” (taip it eena koatayshan maaks) eena di saach baks eena Watchtower Library er pahn Watchtower ONLINE LIBRARY^™.

• Di Research Guide for Jehovahʼs Witnesses gat een wahn shaata lis bai tapik a dehnya nyoo andastandin. Luk anda “Jehovahʼs Witnesses,” den “Views and Beliefs,” ahn den “Clarification of Our Beliefs.”

Wi ku yooz dehnya toolz fi du wahn persnal stodi proajek. Chrai dis: Pik wan a di nyoo andastandin weh jos kom owt. Laan wat da di nyoo andastandin, ahn si how di Skripchaz bak op da chaynj.