How fi Bayr Op Wen Peepl Chreet Yu Bad

Reed Jenisiz 37:​23-28; 39:​17-23 fi laan how Joazef mi bayr op wen peepl chreet ahn bad.

Andastan di sichuwayshan. Wai sohn peepl mi chreet Joazef bad? (Jen. 37:​3-11; 39:​1, 6-10) How lang Joazef mi haftu deel wid peepl di chreet ahn bad? (Jen. 37:2; 41:46) Joorin da taim, weh Jehoava mi du fi Joazef, ahn weh Ih neva du far ahn?—Jen. 39:​2, 21; w23.01 17 ¶13.

Saach fi moa infamayshan. Potifa waif mi tel lai bowt Joazef, bot di Baibl noh tel wi if Joazef mi chrai tel enibadi bowt it. Maybi Joazef mi tink dat ih beta fi noh seh notn. Di Baibl noh tel wi evriting bowt weh mi hapm tu ahn. How dehnya skripchaz ku help wi fi andastan wai Joazef kuda mi tink da way, er wai wi noh need fi noa evriting weh mi hapm tu ahn? (Prov. 20:2; Jan 21:25; Aks 21:37) Weh kuda mi help Joazef fi bayr op wen peepl mi chreet ahn bad?—Mic. 7:7; Look 14:11; Jay. 1:​2, 3.

Weh lesn wi ku laan fahn Joazef? Aks yuself:

• ‘Weh kaina bad chreetment Ah ku ekspek fi goh chroo bikaaz Ah da wan a Jeezas disaipl?ʼ (Look 21:​12, 16, 17; Heeb. 10:​33, 34)

• ‘Weh Ah ku du fahn now fi mek Ah ku bayr op enitaim peepl chreet mi bad?ʼ (Ps. 62:​7, 8; 105:​17-19; w19.07 2-7)