Jraa Pichaz fi Help Yu Memba Weh Yu Laan

Yoo fain it haad fi memba weh yu stodi? Lata peepl ga da prablem. Bot yu noatis dat ih eezi fi memba di iloschrayshanz weh Jeezas mi yooz? Yu ku picha eena yu main weh hihn mi-di seh, ahn dat mek it eeziya fi memba. Saym way soh, yu ku yooz yu imajinayshan fi help yu memba weh yu stodi. How? Chrai jraa weh yu laan.

Wen peepl jraa pichaz wen dehn laan sohnting nyoo, dehn fain it eeziya fi memba. Dat help dehn fi memba di mayn point ahn noh jos di werdz weh dehn reed. Dehn noh jraa notn fansi er komplikaytid; dehn jos mek wahn rof skech fi help dehn memba di point. Dis da wahn gud way how oalda peepl ku memba weh dehn laan.

Di neks taim yu stodi sohnting, chrai jraa sohn picha a weh yu laan. Yu wahn sopraiz fi si humoch dat wahn help yu fi memba!