Benifit Fahn di Skripcha Refrens Eena di Baibl

Yu mait ga akses tu wahn kapi a di New World Translation of the Holy Scriptures eena wahn nada langwij, laik Inglish er Spanish, weh gat een skripcha refrens. Dehndeh refrens shoa how di difrent paats a di Baibl gree wid wan anada, bikaaz dehn help yu fain skripchaz weh taak bowt di saym tapik er weh gi yu moa infamayshan. Fi fain di refrens dehn, luk fi wahn lee leta saida wahn werd eena di vers weh yu di luk pan. Den, if yu di yooz wahn printid kapi a di Baibl, luk fi di saym leta eena di kolom pahn di said a di payj er eena di midl. Pahn jw.org er eena di JW Library^® ap, tap pahn di lee leta fi si di skripcha refrens dehn.

Dehnya da som a di tingz weh di skripcha refrens dehn ku help yu fi fain:

Wahn nada Baibl pasij weh taak bowt di saym ivent: Fi egzampl, luk pahn 2 Samwel 24:1 ahn 1 Kraniklz 21:1.

Wehpaat wahn koatayshan eena wahn Baibl vers kohn fram: Fi egzampl, luk pahn Machyu 4:4 ahn Dyooteronomi 8:3.

Wahn vers weh taak bowt how wahn prafesi kohn chroo: Fi egzampl, luk pahn Machyu 21:5 ahn Zechariah 9:9.