Wachtowa ONLAIN LAIBRI
Wachtowa
ONLAIN LAIBRI
Bileez Kriol
  • BAIBL
  • POBLIKAYSHANZ
  • DI MEETIN DEHN
  • ijwyp aatikl 69
  • Wai Ai Shuda Pray?

No veedyo avaylabl fi dis.

Sari, wahn ero hapm wen di veedyo mi-di load op.

  • Wai Ai Shuda Pray?
  • Kweschanz Weh Yong Peepl Aks
  • Lis a Sobhedin
  • Ada Infamayshan
  • Wat da pryaa?
  • Yu tink Gaad lisn tu yu pryaaz?
  • Wat da sohn tingz weh Ai ku pray bowt?
  • Jraa Kloas tu Gaad Chroo Pryaa
    Injai Laif Fareva!—Si Weh di Baibl Seh
  • Da Wahn Privilij fi Pray tu Gaad
    Weh di Baibl Ku Teech Wi?
  • Cherish di Privilij Weh Yu Ga fi Pray
    Di Wachtowa—Di Magazeen Weh Anonks di Kingdom a Jehoava (Stodi Kapi)—2022
Kweschanz Weh Yong Peepl Aks
ijwyp aatikl 69
Wahn yong laydi di sidong bai wahn layk

KWESCHANZ WEH YONG PEEPL AKS

Wai Ai Shuda Pray?

Bowt 80 persent a yong peepl eena America pray. Bot onli haaf a da amonk pray evriday. Fi shoar dehn aks dehnself: ‘Pryaa da jos wahn way fi mek Ai feel beta, er ih ku help mee eena wahn nada way?’

  • Wat da pryaa?

  • Yu tink Gaad lisn tu yu pryaaz?

  • Wat da sohn tingz weh Ai ku pray bowt?

  • Weh ada yong peepl di seh

Wat da pryaa?

Pryaa da wen wi taak tu di Gaad hoo kriyayt evriting. Dat da sohnting reeli amayzin! Jehoava grayta dan hyoomanz eena evriway, bot “hihn noh deh faar fahn eech wan a wi.” (Aks 17:27) In fak, di Baibl tel wi fi ‘kohn kloas tu Gaad, ahn hihn wahn kohn kloas tu wi.’​—Jaymz 4:8.

How yu ku geh kloas tu Gaad?

  • Wan way da fi pray​—dat da how yoo taak tu Gaad.

  • Wahn nada way da fi stodi di Baibl​—dat da how Gaad “taak” tu yoo.

Wen yu pray ahn stodi di Baibl, dat wahn help yu fi ga wahn schrang frenship wid Gaad.

Jeremy seh: “Wan a di bes privilij weh hyoomanz ku ga da fi taak tu Jehoava, hoo da di Moas Hai Gaad.”

Miranda seh: “Wen Ai pray tu Jehoava ahn tel ahn how Ah reeli feel, dat mek Ah feel kloasa tu ahn.”

Yu tink Gaad lisn tu yu pryaaz?

Eevn if yu bileev eena Gaad an eevn if yu pray tu ahn, ih stil mait bee haad fi bileev dat hihn reeli lisn tu yu pryaaz. Bot di Baibl kaal Jehoava “di Wan weh hyaa wi pryaaz.” (Psalms 65:2). Ih aalso inkorij yu fi ‘chroa aala yu woriz ahn kyaa pahn hihn, bikaaz hihn kay bowt yu.’​—1 Peeta 5:7.

Tink bowt dis: Jos laik how yu taak tu yu kloas fren wahn lat, yu ku du di saym ting wid Jehoava. Taak tu ahn aal di taim, ahn yooz ih naym wen yu di taak tu ahn. (Psalms 86:5-7; 88:9). Di Baibl inkorij yu fi “pray aal di taim.”​—1 Tesaloanyanz 5:17.

Moises seh: “Pryaa da wahn kanvasayshan bitween mee ahn mai hevnli Faada, da aalso wahn way how Ah poar owt mi haat tu ahn.”

Karen seh: “Ai taak tu Jehoava jos laik how Ai wuda taak tu mai ma er mai kloas fren; Ai tel ahn egzakli how Ai di feel.”

Wat da sohn tingz weh Ai ku pray bowt?

Di Baibl seh: “Eena evriting unu mos pray an aks Gaad fi help; bayg ahn wid aala unu haat, ahn giv ahn tanks tu.”​—Filipiyanz 4:6.

Yu tink dat meen dat yu ku pray bowt yu prablemz? Yes! In fak, di Baibl seh: “Chroa yu woriz pahn Jehoava, ahn hihn wahn help yu.”​—Psalms 55:22.

Bot wen yu pray tu Gaad, yu shudn jos tel ahn bowt yu prablemz. Wahn yong laydi weh naym Chantelle seh: “If Ai mi onli taak tu Jehoava wen Ai need help, dat noh mi wahn bee wahn gud frenship. Ai feel laik di fers ting weh Ai shuda eena mi pryaaz da tel Jehoava bowt evriting weh Ai tankful fa, ahn dat shuda bee wahn lang lis.”

Tink bowt dis: Wat da sohn tingz eena yu laif weh yu tankful fa? Yoo ku tink bowt chree tingz weh yu ku tank Jehoava fa tudeh?

Anita seh: “Eevn if yu jos admaiya wahn priti flowa, dat ku inkorij yu fi pray tu Jehoava ahn tank ahn far it.”

Brian seh: “Meditayt pahn sohnting weh Gaad kriyayt weh yu reeli laik, er wahn Baibl vers weh toch yu haat, ahn den tel ahn tanks far it.”

Weh ada yong peepl di seh

Moises

Moises seh: “Jehoava waahn help wi, an eevn doa hihn noa weh wi need bifoa wi aks ahn, wi ku stil shoa ahn dat wi chros ahn wen wi pray tu ahn fahn wi haat.”

Miranda

Miranda seh: “Pryaa da laik if Jehoava di hoal wan en a wahn roap an Ai di hoal di ada en. Wen Ai pray tu Jehoava fahn mi haat, ih feel laik Ah di hoal ahn tait tu di roap ahn Jehoava di pul mee kloasa tu ahn, an dis mek fi wee rilayshanship schranga.”

Jeremy

Jeremy seh: “If wi noh kyaaful wi ku en op jos di aks Jehoava fi weh wee waahn. Bot wen wi tank Jehoava, wi geh fi apreeshiayt di tingz weh ih gi wi, ahn wi foakos wi pryaaz pahn sohnting els rada dan wiself.”

Shelby

Shelby seh: “Di moa wi tank Jehoava, di moa wi geh fi apreeshiayt evriting weh ih gi wi. Wen wi pray ahn tank Jehoava, ih help wi fi foakos pahn aal di blesinz weh ih gi wi insteda aal di prablemz weh wi ga.”

    Bileez Kriol Poblikayshanz (2013-2025)
    Lag Owt
    Lag Een
    • Bileez Kriol
    • Shayr
    • Setinz
    • Copyright © 2025 Watch Tower Bible and Tract Society of Pennsylvania
    • Kandishanz fi di Yoos a Dis Websait
    • Praivasi Palisi
    • Privacy Settings
    • JW.ORG
    • Lag Een
    Shayr