Futnoat

a Som a di peepl weh mi deh gens Steeven da-mi membaz a di “Sinagag a di Free Slayv Dehn.” Praabli, dehn da-mi Jooz weh di Roamanz mi tek az priznaz ahn laytaraan set free, er ih pasabl dat dehn yoostu bee slayvz weh mi geh fi jain di Jooish rilijan afta dehn geh dehn freedom. Som a dehn da-mi fahn Silaisya, di ayrya weh Saal fahn Tarsos mi kohn fram. Bot di Baibl akonk noh seh if Saal da-mi wan a dehn peepl fahn Silaisya weh mi-di aagyu wid Steeven ahn weh kudn proov dat dehn mi rait.