Futnoat

c Sohn peepl weh stodi Baibl hischri seh dat dehnya man mi praabli mi mek wahn Nazarait vow. (Num. 6:1-21) Ahn da chroo, dehn wuda onli mek wahn vow laik dat anda di Laa a Moaziz, ahn da chroo da Laa mi don kohn tu wahn en. Bot eevn soh, Paal mosi mi tink tu ihself dat ih wudn bee rang fi mek dehnya man mek wahn vow tu Jehoava. Soh hihn neva mi wahn main fi pay dehn chravlin ekspens. Wi noh noa egzakli weh kaina vow weh dehnya man mek, bot di Nazarait dehn wuda naamali aafa op animal sakrifais fi get fagivnis fi dehn sinz. Ahn wi ku bee shoar dat Paal wudn agree tu dat, bikaaz afta Jeezas mi aafa op fi hihn perfek badi az wahn perfek sakrifais, wi neva need fi aafa animal sakrifais agen fi geh fagivnis fi wi sinz. Wi noh noa weh aal mi gaan aan, bot weh wi doo noa da dat Paal neva mi wahn du notn weh mi wahn hert ih kanshans.