STODI POINT 4

Inchrojoos di Skripchaz Prapali

Machyu 22:41-45

WEH FI DU: Bifoa yu reed wahn skripcha, help yu aadyans fi noa wai yu wahn reed it.

Tink bowt wai yu di reed di skripcha. Weh yu seh bifoa yu reed eech skripcha ku help yu aadyans fi get di mayn point a di vers.

Andastan di vers dehn weh kohn bifoa er afta di skripcha weh yu di reed. If yu wahn koat wahn vers, mek shoar yu noa da hoo mi seh it ahn da hoo mi rait it.
Yooz di Baibl az di atariti. Wen yu di taak tu peepl hoo bileev eena Gaad, yooz di Baibl ahn help dehn fi aksep it az fi hihn Werd. Eena dis way, yu wahn di shoa dat weh yu di teech kohn fahn Gaad.
Get peepl inchrestid eena di skripcha. Aks wahn kweschan weh di skripcha wahn ansa, menshan wahn prablem weh di skripcha ku help wid, er taak bowt how fi yooz wahn sertn prinsipl fahn di akonk.

Tink bowt weh di persn er yu bradaz er sistaz don noa bowt di tapik ahn di skripcha. Eevn if da wahn skripcha weh dehn don noa, stil taak bowt it eena wahn pazitiv way. Dis wahn help dehn fi luk pan it eena wahn nyoo way.