Werk Tugeda Eena Yooniti

1. Dis werl koal ahn peepl noh gree.

Tanks tu Gaad, now wee ku bee free.

Wee ga pees ahn yooniti tu;

dis gi wi jai fi chroo.

Yooniti soh preshos,

wandaful, ahn sweet!

Said bai said wi werk fi wi Gaad,

ahn wi leeda, Jeezas, wi Laad.

If wi lisn, serv, an obay,

wee wahn injai eech day.

2. Mek wi pray fi tink di saym way—

jentl, lovin, kain evri day.

If wi du dis, lov wahn ku groa;

wee wahn prayz Gaad moch moa.

Pees da jos laik waata,

ih rifresh wi soal.

If wi shoa chroo lov fahn wi haat,

wee wahn geh chroo pees fahn wi Gaad.

Hihn wahn gi wi blesinz ahn den,

laif weh wahn neva en.